GENSERICUS S. Gizerichus

GENSERICUS S. Gizerichus

fil. nothus Godigiscli vel Godgesilli, de quo infra. Princeps Vandalorum in Hispan. victo Hermengano, Suevorum Rege traiecit A. C. 428. cum fratre Gunthari, sub Valentiniano III. in Africam, a Comite Bonifacio vocatus, qui dein sententiâ mutatâ a Genserico victus elt. Idem Asparem Theodosii Iun. Ducem fortissimum superavit, totius ferme hinc Africae dominus, ac primus illic Vandalorum rex. Dein Arianismo stabiliendo intentus, in Orthodoxos acriter saeviit, Valentiniano nihil tale vetito, Aetioque in Gallia contra rebelles occupato, Carthaginem expugnavit, quam cum cepiset, omnesque opes, interfectis civibus, in ius suum vertisset, animum ad Ecclesiarum spoliationem adiecit, quas sacris vasis exinanitas, et sacerdotum administratione privatas, equorum suorum stabula fecit. Exin Siciliam, huc delatus, vastavit, nuntio de Sebastiani, Bonifacii Com. generi, adventu, in Africam revocatus, cum illo foedus primo iniit, dein cum ad Arianismum eum pertrahere non poset, sustulit. Valentinianum Imp. ad pacem adegit. clasem Theodosii morâ fregit. Ab Eudoxia, quam Maximus, occiso eius marito Valentiniano, sibi per vim desponderat, vocatus, transiit in Italiam, cepit Romam diripuitque per dies 14. thesauris templorum, vasisque aureis et argenteis iaprimis, ex templo Hieros. a Tito Romam delatis, in Africam devectis, una cum Eudoxia captiva, filiabusque eius Eudoxia et Placidia: quarum priore Hunerico sil. desponsata, posteriorem cum matre, Imperatorum precibus, in Graeciam remisit. Sic redux in Africam, in Orthodoxos, Episcopos inptimis saevire pertinax, oras Italiae, Apuliae, Dalmatiae, Epiri, Sardiniae, continuo terrore perculsas tenuit. Occidente vastato in Illyriam, Peloponnesum, Graeciam, Insulasque Archipelagi transit, ubique felix, Martiano Imp. nihil contra movere auso. Leonis classem, corrupto Basilisco Duce, depressit; Olibrio insuper in partes suas, contra Anthemium Imp. in Occid. pertracto. Obiit A. C. 476. Romae Catthaginisque victor, Ecclesiae hostis acerrimus. Victor Utic. de persecut. Vandal. l. 1. et 2. Procop. de B. V. l. 1. Idacius, Marcellin. Prosper in Chron. Paulus Diaconus, Nicephorus, Evagrius, etc. Ei successit fil. Hunericus, vel Honorichus.